#Ervinqayda? Faaller Qırımda insan hırsızlanuvlarınıñ tahqiq etilmesi içün nasıl küreşe (fotoresimler)
Video nezareti kamerası Rusiye yol inspektorları urbasında eki insannıñ İbragimovnıñ maşinasını toqtatıp, onı mikroavtobuslarına mindirgenlerini qayd etti. Qırım aq qorçalayıcı gruppası Ervinni Rusiye akimiyeti ya da onıñ kontrolindeki gruppalar hırsızladı, dep tahmin ete. Babasınıñ aytqanına köre, tahqiqat keçirilmey. Ervin İbragimovnıñ hırsızlanmasınen bağlı bir malümat yoq
«KrımSOS» cemaat teşebbüsiniñ faalleri ve qırımtatar milliy areketiniñ iştirakçileri Kyivdeki Rusiye elçihanesiniñ binası ögündeki aktsiyada. Faallerniñ qollarında yazuvlı şiarlarda yarımadada ğayıp olğanlarnıñ adları yazılğan. 2016 senesi oktâbrniñ 25-i
Bundan ğayrı, olar elçihane binası ögünde masa qoydı, qadın ve esli-başlı er adam 3 filcanğa qave qoya. Olardan biri ğayıp olğan oğlanlardan birine azırlandı. Kyiv, 2016 senesi oktâbrniñ 25-i
Bağçasarayda ğayıp olğan Ervin İbragimov içün dua. 2016 senesi iyülniñ 3-ü
Kyivdeki Rusiye Federatsiyasınıñ elçihanesi ögünde #Ervinqayda aktsiyası olıp keçti. Onıñ maqsadı – cemaatçılıqnıñ diqqatını Qırımda ğayıp olğan insanlarğa celp etmektir. 2016 senesi noyabrniñ 25-i
2017 senesi aprel ayında aktsiya «Çuqurda coyulmaq», Rusiye «çuqurında» ğayıp olğanlar» şiarınen keçirildi
2017 senesi aprelniñ 25-nde Kyivdeki Rusiye elçihanesiniñ binası ögünde «Ervinqayda»
aktsiyası çerçivesinde ğayıp olğan qırımlılarnıñ timsali olğan 3D resimi yapıldı
Qırımlı İbragimovnıñ hırsızlanuv yılına bağışlanğan #Ervinqayda aktsiyası. Kyivdeki Rusiye elçihanesi ögünde keçirilgen 11-inci aktsiya. Bu sefer teşkilâtçılar «Ervinsiz bir yıl» vesiqalı filmini kösterdi, em de hırsızlanğannıñ babası Umer İbragimovnen online subet keçirdi. 2017 senesi mayısnıñ 24-ü
Bağçasarayda hırsızlanğan Ervin İbragimovnıñ evinde dua keçirildi. 200-den çoq kişi bütün Qırımdan toplaştı. Yerli politsiya da duağa keldi. 2017 senesi mayısnıñ 24-ü
Bağçasaraylı qırımtatar areketiniñ veteranı Zodiye Saliyeva dua ete. 2017 senesi mayısnıñ 24-ü
2017 senesi iyülniñ 17-si – Ervin İbragimovnıñ doğğan künü. Ğayıp olğannıñ ana-babası yaşağan evge onıñ 32 yaşını qayd etmege istegen qoranta dostları ve cemaatçılar keldi.
Tarqatılğan risaleler
Kyivdeki Rusiye elçihanesi ögünde «#Ervinqayda» aktsiyası. Bu sefer faaller ğayıp olğan insanlarnıñ tuvğanlarınıñ duyğularını tarif etti. 2017 senesi sentâbrniñ 27-si