Kyivde Qırımtatar bayrağı kününi nasıl keçirdiler (fotoreportaj)

İyün 26-da qırımtatarlar Milliy bayraq kününi qayd eteler

Tedbirler, Kyivniñ merkezindeki cayav yürüşten başlandı. Faaliyetçiler qırımtatar bayrağını Kreşçatik ve Bohdan Hmelnitskiy soqaqlarınıñ çatışmasında açtı ve ondan soñ Müstaqillik Meydanına doğru yürdiler

Qırımtatar Milliy Meclisiniñ reisi Refat Çubarov yürüşte iştirak etti

Tedbirniñ başında Ukraina ve qırımtatar halqınıñ gimleri yañğıradı

Qırımtatar bayrağı ile Müstaqillik Meydanı alışılmağan rakurstan

Bu künü qırımtatar bayraqları ile avtoyürüş de ötkerildi

Qırımtatar Milliy Meclisi reisiniñ muavini İlmi Umerov qırımtatar bayrağı ile Meydanda

Ukrainanıñ qıtadaki qısmında Qırım musulmanlarınıñ diniy idaresi müftisi Ayder Rustemov

Qırımtatar bayrağı kününi qayd etüv tarihı olaraq 1991 senesi iyün 26-27-de Aqmescitte keçken Ekinci Qırımtatar Milliy Qurultayınıñ birinci künü saylandı

Qırımtatar bayrağı kününiñ resmiy qapaluvından soñ bir sıra qırımtatar kollektivleri ve artistleri sanağa çıqtı

Qırımtatarlarnıñ bayrağı, üstünde altın tüste tamğa işareti tasvir etilgen kök tüslü qumaçtan ibaret