Ervinni tapmaq. Araştırmalarnıñ eki yılı, tedbirlerniñ eki yılı (fotogalereya)
Ervin İbragimov 2016 senesi mayıs 26-nda Bağçasarayda belli olmağan şahıslar tarafından alıp qaçıldı. Videoközetüv kamerası, Rusiye yol inspektorları uniformasını kiygen eki kişiniñ, İbragimovnıñ maşinasını toqtatıp, onı öz mikroavtobuslarına zornen kirsetkenlerini qayd etti
2016 senesiniñ sentâbri. Tedbirge kelgen faaliyetçiler, qollarında yarımadada zornen alıp qaçılğanlarnıñ adları ile plakatlarnı tutuıp, elçilik yanında sırağa tizildiler
Piket iştirakçileri Rusiye elçiliginiñ qorasına alıp qaçılğanlarınıñ adları ile şeritlerni astılar. Olar, zornen alıp qaçılğanlarnıñ tapılmasına umütini temsil ete
2016 senesiniñ oktâbri. Faaliyetçiler, performans teşkil etip, elçilik aldında masa qoydı, ve masanıñ başında bir erkeknen bir qadın otırıp, 3 filcanğa qave qoya ediler
Donbasstan mecburen köçken Sergey ve Qırımdan mecburen köçken Lüdmila, habersiz ğayıp olğan oğlunı beklegen ana-babanı oynap, tedbirde iştirak ettiler
2016 senesiniñ noyabri. Kyivdeki Rusiye elçiligi yanında – #qayda_Ervin şartlı bir adı ile nevbetteki tedbir. Toplaşqan insanlar Qırımnıñ ilhaq etilmesi esnasında ğayıp olğanlarnı tapmağa davet eteler
2017 senesiniñ apreli. Kyivdeki Rusiye elçiligi yanında bornen uçurım sızılğan
Sızılğan uçurım yanında, bu uçurımğa tüşken insanlarnı temsil etken bir avuç taş tura. Er bir taşta habersiz ğayıp olğan Qırım sakininiñ adı yazılğan
2017 senesiniñ mayısı. Dünya qırımtatar kongressi icra komitetiniñ azası Ervin İbragimovnıñ ğayıp olğanına bir yıl tolğanına bağışlanğan nevbetteki tedbir
Bu, Kyivdeki Rusiye elçiliginiñ ögünde endi 11-nci tedbirdir. Bu sefer teşkil eticiler «Ervinsiz bir yıl» adlı vesiqalı filmni kösterdi, ve onlayn şekilde alıp qaçılğannıñ babası Umer İbragimovnen laqırdı ettiler
2017 senesiniñ iyüni. Kyivdeki Rusiye elçilginiñ ögünde kene de Qırım sakinleriniñ ğayıp olğanını temsil etken uçurım sızıldı
Onıñ yanında «fikir levhaları» ile onlarca faaliyetçi. Olarnıñ er birinde, Qırım sakinleriniñ ğayıp olması boyunca adaletli bir tahqiqat keçirmek daveti
Elçilikten piket iştirakçilerine kimse çıqmay. Belli olmağan kişiler olıp keçkenlerni pencereden temaşa eteler
2017 senesiniñ iyüli. On üçünci tedbirge «yüksek adamlar»nı davet ettiler. Olar, lozunglarnı Rusiye diplomatik missiyası hadimleriniñ pencerelerine doğru «iriştirüv ile yardım etmege» razı oldılar
2017 senesiniñ sentâbri. Faaliyetçiler, anane boyunca, Kyivdeki Rusiye elçiliginiñ yanında toplaştılar. Bu sefer, performans kösterip, onda Qırımda alıp qaçılğan ve ğayıp olğan insanlarnıñ aqrabalarındaki duyğular aqqında ikâye ettiler
«Başında döndürik» – yaqınlarınıñ ğayıp etilmesini qabul etmegen; aşılmaz, ağrılar berici ve sonsuz araştıruv ceryanında bulunğanlarnıñ başındaki fikirlerniñ vizualizatsiyasıdır
2017 senesiniñ oktâbri. Bu sefer tedbir, «Biz, özümizni añlamağa mecbur etecekmiz» adı ile keçe
Kyivdeki Rusiye elçiligi yanında nevbetteki tedbir, 2018 senesi mart 26 künü. Bu sefer faaliyetçiler «Aqqular gölü» Qırımda alıp qaçılğanlar aqqında ikâye etmeycek» performansını teşkil ettiler
«Aqqular gölü» Sovet Birliginde eñ muim deñişmelerini taqip etti. Bu balet kök ekranlarda kösterilgende vatandaşlar memlekette bir şeyler olğanını añlay edi. Toplaşqanlarnıñ fikrine köre, şimdi Rusiye ukümeti, informatsion vakuumnı yaratmaq ve öz cinayetlerini gizlemek içün medialarnı qullanmağa devam ete, dep bildire faaliyetçiler
2018 senesiniñ apreli – faaliyetçiler «FSBge telefon aç» tedbirini keçirdi. Böylelikle olar Rusiye tarafından ilhaq etilgen Qırımda insanlarnıñ ğayıp olmasına diqqat çekmek isteyler
Faaliyetçiler ve aq-uquq qorçalayıcıları Ervin İbragimov alıp qaçılğanından berli tedbirlerini teşkil eteler. Dünya qırımtatar kongressi icra komitetiniñ azası Bağçasarayda 2016 senesi mayıs 24-te alıp qaçılğan edi