«FSBge telefon etiñiz»: Kyivde faaliyetçiler, ğayıp olğan Qırım sakinlerini tapmaqnı talap ete ediler (fotoreportaj)

Faaliyetçiler plakatlar ile Kyivdeki Rusiye elçihanesiniñ ögünde

#Where¬_is_Ervin –faaliyetçiler bu heştegni Ervin İbragimovnıñ tapılmasını talap eterken işletip başladılar

Dünya Qırımtatar Kongressi icra komitetiniñ azası Ervin İbragimov 2016 senesi mayıs 24-te belli olmağan şahıslar tarafından alıp qaçılğan edi

Levhalarda – Ervin İbragimov ve İslâm Cepparovnı tapmağa davet

QırımSOS insan aqlarını qorçalav teşkilâtınıñ koordinatorı Tamila Taşeva

Ukraina KHVleri tedbirni faal surette aydınlatalar

Umumen Kyivdeki Rusiye elçihanesiniñ yanında onlarca insan toplandı

Bu qız qolunda Qırımda ğayıp olğanlardan Ruslan Ganiyev ve Cevdet İslâmovnıñ adları ile levhalarnı tuta

Aq-uquq qorçalayıcılarınıñ malümatına köre, ilhaqtan soñ Qırımda 46 kişi alıp qaçıldı

Valeriy Vaşçuk ve Timur Şaymardanov 2014 senesinde habersiz ğayıp oldılar

Aleksandr Steşenko Qırımda yaqalandı ve aprel 24 aqşamında mahsus tutuluv yerinden (spetspriyomnikten) belli olmağan tarafqa alıp ketilgen soñ bir daa kimsenen bağlanmadı

Find and Free («Tap ve azat et») – Qırımda ğayıp olğan insanlarnıñ qıdırılması ve tevqif etilgenlerniñ azat etilmesine doğrultılğan tedbir

Tikenli telnen oralğan Kyivdeki Rusiye elçihanesinden faaliyetçilerge kimse çıqmadı