Aftanıñ eñ parlaq Qırım süretleri (süret toplamı)

Ermeni Bazar sakinleri özlerini yaramay duyğanına, avada keskin qoquğa, tamaq qımırçısına, hususan gecemaalinde şikâyet ete. Şikâyetler, avgustnıñ 23-24 gecesine olğan zararlı taşlantılardan soñ başlandı. 

Sentâbrniñ 4-ünde Qırım akimiyeti, Qırım şimalinde zararlı taşlantılarnıñ kölemi normadan tış çıqqanını aydınlattı. Bu sebepten, "Qırım titanı" zavodınıñ işi eki aftağa toqtatıldı. Bundan ğayrı, Ermeni Bazar ve etraftaki qasabalardan balalarnı şeerden tış çıqaralar.

Qırım memuriy sıñırındaki "Kalançak" ve "Çaplınka" kiriş-çıqış keçirüv noqtaları vaqtınca qapatıldı. Amma sıñırcılar yarımadadan adamlarnı yibere.

Krasnoperekopsk. Mından Ermeni Bazarğa 20 kilometr. "Qırım titanı"nıñ aqibetleri olarğa da kelip yetti - adamlarda aynı sağlıq şikâyetleri, çaresi olğanlar küçük balalarnı şeerden çıqarıp, Qırımnıñ başqa köşelerinde yaşağan soy-aqrabasına alıp kete. Ermeni Bazardan 2000-den ziyade balanı tahliye ettiler, amma Krasnoperekopsk memüriyeti buña oşağan iç bir areket yapmay. 

Yaltada küçlü yağmur sebebinden mağaz ve cayav keçitlerni suv bastı, bölgede elektrik berilmesi üzüldi. Sabıq "Spartak" kinoteatri yanındaki yerastı keçitini tavanğace suv bastı.

Aqmescitte de burçaqlı yağmur

Aqmescitte demir yolğa manzara

Sasıq Sivaş gölü - Qırımnıñ eñ büyük tuzlu gölüdir. Sentâbrniñ başında mında suv qurudı ve sadece tuz qaldı.

Gölge, tuz cıymaq icün qopqa ve çantalarnen keleler. Onıñ tuzu pek şifalı ve faydalı sayıla.
 

Tarhan Qut. Sekiz yıl evel, 2010 senesi, mında IBRAHIM-Y gemisi qarağa oturdı. Gemi, Kamboca bayrağınen Nikolayev ticaret limanından Türkiyege kete edi, 5 ballıq furtunağa oğradı ve taşlarğa urulğanı içün, kögertesi teşildi. Şimdi bu geminiñ merağı tek turist ve raatlanıcılar içün qaldı.

Küz mevsimi Yaltada