Qırım Forosı yanvar soñunda (süret toplamı)

Forosnıñ esas yolu - Kosmonavtov soqağı. O, Yaltanı Aqyarnen bağlağan, Aqyar yoluna qoşula

Bu yol qasaba skverine de ketire, amma sezondan tış o boş ola

Yaqın turğan qavehanede de musafir yoq

Skverniñ ortasında birinci sovet kosmonavtı Yuriy Gagarinniñ büstü tura. Onı, yerli sakinlerniñ ricasından soñ, 1961 senesi tiklediler

Forosnıñ er noqtasında tik sırımda turğan Tiriliş (Voskresenskaya) kilsesi körünip tura

“Foros” sanatoriyi - qasabanıñ esas şifahanesi. Şimdi onıñ binası - Tatarstan profsoyuzlarnıñ mülküdir

Sanatoriyniñ tarihiy korpuslarınıñ tamiri üçünci yıl yapıla

Qasaba ve sanatoriyniñ yalısı

Bu çoyundan yapılğan raatlanıyıcınıñ adını “Alöşa” qoydılar. Yerliler, o Ekinci cian cenkinden soñ silâ maddesinden yapılğanını ayta

Kurort yeri olğan Forosnıñ azbarlarından birisi