Qırımnıñ Dolossı qasabası: yüz biñ dollarlıq «favelalar» ve infrastrukturasız ayat (fotoresimler)

Massandra ve Dolossı qasabaları arasında irigen qardan soñ sılaq serpantin

«Yalta dağ-orman» tabiat qoruğındaki Nikita yaylasınıñ yol boyu capı. Rusiye qanunlarına köre, o, «Qoruq Qırım» strukturasına kirmekte – ayrı qorulğan tabiat topraqlarıniñ birleşken müdirligi. Söz sırası, ofisi Dolossı qasabasında buluna

Qasaba «Dolossı» verem ile küreş şifahanesi sayesinde quruldı

Qasaba kirişindeki «Şçıre kohannâ» («Samimiy sevgi») çoqrağı şimdilik suvsız

Şifahane keçiti ögündeki tahta köşükli şlagbaum. Şifahane hadimlerinden biriniñ aytqanına köre, şimdi anda 20 kişi raatlana, keçken yaz on qat çoq edi. Şifahane 500 insannı sığdıra

Köşük yanında – №44 şeer avtobusınıñ eki qasaba durağından biri

Qasabanıñ insanlar yaşağan yekâne beş qatlı binasıdır

Evniñ arqa tarafında, eski gastronomda, yekâne ticaret yeri çalışa – «Darya» tükânı

Çoq qatlı evlerniñ sakinleri qomşularnıñ şahsiy evlerini «favela» dep adlandıra

Sovet «favelaları» er istek ve fiyatta bar. İnternetteki ilânlarğa köre, eñ adiy soyu (3-5 yüz metrlik topraq damartısında eki qatlı ev), meselâ, 8 million rubleden çoq tura (tahminen 110 biñ ABD dolları)

Bazı «favelalar» daa qurula

Bıltır küzde qasabada «Yuqarı Üç Koş» ve «Dolossı» çoqraqlarından kelgen suv pek azalğanı içün suv problemleri peyda oldı. Şimdi, qasaba sakinleriniñ aytqanına köre, suv qıtlığı yoq

Qasabanıñ esas haber tahtası

«Favelalardan» biriniñ kiçik bağçasında bir tenbi

Qasabanıñ yekâne bala bağçası dört qatlı evniñ birinci qatında yerleşe

Qasaba ve qoruq sıñırları yañı levhalarnen qayd etilgen

Çamlarnıñ töpesinde – sılaq qar, biraz yel köterilse, ağır yapalaqlarnen evlerniñ damlarına tüşe