Pale-Kur bayırında “ebediy qayğı”. Yaltadaki memorial mezarlığında ne körmek mümkün (süret toplamı)

Memorialnıñ esas kirişini 1982 senesi soñunace donatıp bitirdiler. Bundan evel beş yıl devamında eski Massandra mezarlığınıñ yerinde memorial tamiri yapılmaqta edi

Divarda, Pale-Kur memorialında kömülgen ya da yañıdan defin etilgen adamlarnıñ adları ile yazılar yerleştirilgen. Olarnıñ ayrı qabirleri saqlanılmadı

Pale-Kurnıñ çoqusı mezarlarında haraplav izleri bar - yaraştırma qısımları yoq, üstleri graffitinen çizilgen

Evelki mezarlıq şeerniñ eñ eski mezarlıqlarında birisi edi. Mında XIX asırnıñ 30-ıncı yıllarında cenaze qılıp başladılar. O vaqıtları onı Massandra, Pale-Kur ya da Ioannozlatoustovskiy (yanında turğan kilseniñ adından) mezarlığı dep adlandıra ediler. 1941-1944 yılları natsist işğali vqtında mezarlıq bayağı zarar kördi 

Ukrain ve sovet şairi, terciman, Ukrainada matbaanıñ teskilâtçısı Yevğen Grigoruknıñ qabri. Saqlanılıp qalğan baştaş tamirge muhtac

Ukrain şairi, antik edebiyatı tercimanı, ihtisasiy ekim Stepan Rudanskiyniñ (1834-1873) qabri - mezarlıqnıñ şimal qısmınıñ yekâne abidesi

Qurucılar zapt etken topraq qalğan memorialdan öksek divar ve qoranen ayırılğan. Mındaki sakinler, qurulış başlağanda baştaşlar bilinmegen yerge alıp çıqılğanını aytıp berdi. Ölgenlerniñ naaşları ne olğanı belli degil

Pale-Kur bayırındaki bu qurulışnı cemaatçılar sanki toqtatıp olğan

Bayırnıñ ğarbiy cabında ise, tam memorialnıñ yanında, qurulış yaqında başlandı
 

Memorial tam kenarında şahsiy ev

Memorial cıyıştırıcınıñ aletleri turğan arançıq tamam esas kiriş ögünde turmaqta

Birisi mezarlıqta ösken qıbrız terekleriniñ qabuğını sıdıra. Yerliler aytqanına köre, bunı, vaqıt keçkeninen terek qurusın ve pıçmağa imkân olsun dep aselet yapalar.

1896 senesi yazıcı İvan Bunin Yaltanıñ bu tarihiy yerine bağışlap "Kiparisı" şiirini yazdı