Başta para cezası, soñra tintüv: Osman Belâlov - kim o? (süret toplamı)

Osman Belâlov - Bağçasaray "Hizb-ut-Tahrir davası"nıñ iştirakçisi Memet Belâlovnıñ ağası. Rusiye quvetçileri onı 2017 senesi oktâbr ayında tevfiq etti. Qırımlı alâ bugün tevfiqli.

Osman da "Qırım birdemligi"niñ faalcisi - tintüvler, mahkemeler ve qırımtatarlarnı basqınç etken başqa vaqialarğa qatnay. "Men ve menim dostlarım aqsızlıqqa yol bermeymiz. Bizim dost ve qardaşlarımızğa destek kerek", - dey o öz faaliyeti aqqında.

Kreml nezareti altındaki Qırım mahkemeleri Osman Belâlovnı endi eki kere para cezasına mahküm etti. Birinci sefer - 10 biñ rublege (4 biñ grivna), ekinci sefer - 150 biñ ruble (60 biñ grivna). Bu qırımtatarlağa mahküm etilgen para cezalarından eñ büyüklerinden edi. Onıñ sebebi - 7 yıl evel Vkontakte içtimaiy ağında derc etilgen yazı.

Osmannıñ qorantası, para cezasından soñ oña yardım etti. Amma, ekinci cesanıñ raqamı olarnı şaşırttı - bu qadar aqçanı qazanmağa Belâlov ve onıñ soy-aqrabası içün qolay degiledi.

Osmannıñ fikrince, qırımatatar faalcilerine aselet para cezasını mahküm eteler: "Maddiy mesele biz içün pek qıyın. Quvetçiler bizim mından ketmemiz ya da faal olmağanımıznı istey"

Belâlovğa qadını Feride qol tuta. Aqay-apay endi beş yıl beraber yaşay ve eki balanı östüre

​Büyügi - Hamza - 4 yaşında

Musa - küçük oğulları. Şimdi o 2 yaşında