Qırım camileri: Seit-Settar - yıllar keçken soñ tiklenüv (süret toplamı)

"Seit-Settar Camisi" kompleksiniñ baş kirişi.Tarihiy yazığa köre, camini 1850-nci senesi Aqmescit şeeriniñ sabıq başı Seit Settar Çelebi qurdı

1917 senesi inqilâptan soñ cami çalışıp tura edi. 1922 senesi on musulman cemiyetine berildi. Onıñ qullanuv muqavelesi 1935 senesine qadar ükümsüre edi. 1936-1938 seneleri din kütkeni içün taqip etilgen musulmanlar, basqınçlardan qorqıp, camini qapattı ve ileride onı iş binası kibi qullandı

1990-ıncı yıllarınıñ başında qırımtatarlarnıñ yarımadağa kütleviy avdetinden soñ,camini musulman cemiyetiniñ qullanuvına berdiler. Tamir etüv qararı 2006 alındı. Amma tamir işleri8 yıldan soñ başlandı
 

Qurulış, Turkiye Diniy işler nazirliginiñ ve iş adamlarınıñ parasına yapıla edi. Eski binadan yalıñız temel qısmen qaldı.Cami, 2016 senesi sentâbr ayında, büyük musulman bayramı - Qurban bayram arfesinde açıldı. Minare rekonstruktsiya vaqtında qurıldı. Onıñ öksekligi - tahminen 20 metr.
 

"Seit-Settar" kompleksiniñ terkibine cami, medrese, telebe yataqhaneleri ve diniy cemiyetiniñ memuriy binası kire

Yañı korpuslar qurulğanda, qurucular bir üslüpke uydı: birinci qatnıñ pencereleri tüz köşeli, ekincisiniñ ise kemer şeklinde
 

Bu binada abdest hane yerleşken

​Caminiñ esas kirişi

Cami içine kirgenler içün hatırlatuv. Allahqa aytılacaq muracaat

Ziyaretçilerge hitap. Kirmekten evel ayaqqapnı çıqarmaq kerek

Sadaqa qutusı. Er adam aqça qaldıra bile

Ayrı ve cemaat namazları keçirilgen caminiñ esas odasına kiriş

Mında er türlü vaziyetke ait olğan dualar asılıp qoyulğan

Seit-Settar camisiniñ esas odası. Mümin namaz qıla

Расписной потолок под куполом здания

Mında Qoran ayetleri yazılğan

Müminler namaz qıla