Hastahanege ücüm — Rusiyeniñ Ukrayinada grajdanlıq obyektlerine ücüm etken ilk seferi degil. ABD Mudafaa nazirliginiñ spikeri aytqanı kibi, bu, "Rusiyeniñ bu cenkte ukrayin ealisine yapqanlarını" qayd ete.
"Men bellesem, siz bu afta sammitte NATO alyansınıñ küçü, birligi ve qararlılığınıñ numayışını köreceksiñiz, hususan Ukrayinağa özüni ve suverenitetini qorçalamaq içün yardım kösterüvinde", — dedi Rayder.
Rusiyeniñ kütleviy raketa ücümi iyülniñ 9-nda Vaşingtonda başlanacaq NATO sammitiniñ arfesinde oldı.
ABD prezidenti Joe Biden, NATO sammitinde Ukrayina şeerlerini ve halqını qorçalamaq içün Ukrayina avadan mudafaasınıñ quvetleştirilmesine dair yañı tedbirler ilân etilecek, dep bildirdi.
"Bugün (iyülniñ 8-nde - QA) onlarnen ukrayin vatandaşını öldürgen ve Kıyivniñ eñ büyük bala hastahanesine zarar ketirgen Rusiye raketa darbeleri Rusiyeniñ zalımlığı aqqında qorqunçlı hatırlatma ola. Dünya Ukrayinağa bu müim vaqıtta qol tutması ve biz Rusiye istilâsını körmemezlikke urmamaq kerekmiz", — dep aytıla Baydenniñ beyanatında.
Rusiye orduları mayısnıñ 8-nde saba Ukrayinağa raketa darbelerini endirdiler. Hususan, Kıyiv, Dnipro, Krıvıy Riğ ve Donbas boyunca. Ukrayina mudafaa quvetleri 38 Rusiye raketasınıñ 30-nı urıp tüşürdi, dep bildirdi Ava quvetleri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.