Olarnı azat etecekler. Buña inanam – «Veciye Kaşka davası» mabüsiniñ ömür arqadaşı (video)

Ruslan Trubaç – «Veciye Kaşka davası» ya da «para talap etüv davasınıñ» mabüslerinden biri. 2017 senesi noyabrniñ 23-nde Bekir Degermenci, Kazim Ametov ve Asan Çapuhnen tutulğan edi. Tahqiqat cinaiy iş açtı. Olarnı Türkiye vatandaşı Yusuf Aytandan para talap etüvden şübheli sayalar. Rusiye uquq qoruyıcıları faallerni tutıp alğanda qırımtatar milliy areketiniñ veteranı Veciye Kaşka yaramadı. O, can berdi. Bir yıl, evi ay ve bir künden soñ Trubaçnıñ sıñırlav tedbiri deñiştirildi: SİZOdan ev apsine avuştırdı. Al-azırda ayağında bilezlik qala ve Ruslannıñ kütleviy haber vastaları ile subetleşmesi yasaqlana. Tutuluv ve izolâtorda qaluv ikâyesini apayı Zarema ikâye ete. Qadın ümütten kesilmey: «Adalet yeñer ve olarnı ev apsinden bile azat eterler, dep tüşünemiz. Buña inanam».