ABD prezidenti Donald Tramp, Rusiye lideri Vladimir Putinden bir afta devamında Ukrayin şeerlerine ücüm etmemesini rica etkenini bildirdi, dep yaza Azatlıq Radiosı.
Tramp, ekstremal suvuq sebebinden Putinden Ukrayina şeerlerine ücümlerni toqtatmasını istegenini ayttı.
"Ve men şahsen prezident Putinge bir afta devamında Kıyiv ve diger şeerlerge ateş açmamaqnı rica ettim. O, razı oldı. Ve aytmaq kerekim ki, bu pek hoş edi. Çoqusı: "Buña işanma, bunı yapamazsıñ" dey edi. Amma o bunı yaptı, ve biz bunı yapqanından pek memnünmiz. Çünki, er şeyden evel, olar şeerlerine tüşken raketalarnı istemeyler. Yani men, bu pek, pek yahşı qarar olğanını aytmaq isteyim", — dedi Tramp.
Rusiye tarafı böyle añlaşmalar aqqında haber etmedi.
Ukrayinada kiçik aynıñ 1-3 künleri küçlü suvuq beklenile, amma, Fevqulâde vaziyetler devlet hızmetiniñ haber etkenine köre, kiçik aynıñ 4-5 künleri suvuq yavaş-yavaş azlaşacaq.