Yanğından zarar körgen Notre-Dame de Paris kilsesiniñ yañıdan quruluvına aman-aman milliard dollar toplandı, dep bildirdi aprelniñ 17-nde prezidentniñ medeniy miras meseleleri elçisi Stefan Bern.
Onıñ aytqanına köre, al-azırda kilseniñ yañıdan quruluvına 880 mln euro (995 mln dollar) berildi. Sermiyanı milliarder iş adamları (hususan Apple, L'Oreal, Chanel, Dior vekilleri) ve Frenkistanda ve bütün dünyada yaşağan adiy insanlar bere, dep yaza AP agentligi.
Собор Парижской Богоматери до и после пожара (фотогалерея)
Notre-Dame de Paris kilsesinde aprelniñ 15-nde aqşam üstü yanğın çıqtı ve doquz saat devam etti. İlk malümatqa köre, yanğın sebebi tamir işleri oldı. Yanğın neticesinde kilseniñ kulâsı ve damı tüşti. Yanğıncılar tarihiy binanıñ qafesini saqlap oldı.
Frenkistan prezidenti Emmanuel Makron kilse beş yıl içinde ğayrıdan tiklenecek, dep vade etti. O, qurtarıcılar kilse divarlarınıñ yıqılmasına yol bermedi, dep bildirdi.