Norveçteki mahkeme, "Naftogaz" Ukrayin şirketiniñ arizasına binaen, ilhaq etilgen Qırımda şirketniñ aktivlerini zapt etüv davası boyunca para cezasını temin etmek içün, "Professor Molçanov" Rusiye gemisini yaqaladı.
Şirketniñ matbuat hızmeti, qarar Armannıñ 31-nde qabul etilgenini bildirdi. "Apiske aluv, ilhaq etilgen Qırımda "Naftogaz" gruppasınıñ aktivlerini qanunsız zapt etkeni içün Rusiyeden 4,22 mlrd dollar, faiz ve masraflarnı ödemek aqqındaki arbitraj qararınıñ yerine ketirilmesini temin etmek kerek", — denile beyanatta.
Mahkeme qararına binaen, gemi bulunğan yerini terk etip olamay.
Geminiñ yaqalanması aqqında malümatnı Spitsbergen politsiyasınıñ operativ yolbaşçısı Hokon Finstad Aftenposten neşiri ile subetleşip tasdıqladı.
"Naftogaz" Rusiyege qarşı mahkemede 2014 senesi Qırım işğalinden soñ tutıp alınğan mal-mülk içün tazminat almaq maqsadınen 2016 senesinden berli dava alıp bara.
Reuters yazğanına köre, 2023 senesi Çeçekte Gaaga mahkemesi Rusiyeni "Naftogaz"ğa 4,22 milliard dollar tazminat ödemege mecbur etti, amma Moskva bunı yapmadı.