Rusiye tarafından ilhaq etilgen Qırımda aprel 17-de qırımtatar milliy areketiniñ faaliyetçisi Riza Abdullayev vefat etti. Bunı Facebooktaki saifesine Qırımtatar Milliy Meclisi reisiniñ muavini İlmi Umerov bildirdi.
Bildirüvde: «Bugün, uzun sürgen ağır hastalıqtan soñ qırımtatar milliy areketiniñ faaliyetçisi Riza Abdullayev vefat etti. Sentâbr 5-te o, 80 yaşını toldurmaq mumkün edi», – denile.
Umerov, cenazeniñ aprel 18 künü saat 14:00-te Bağçasarayda (Gasprinskiy soqağı, 34) olacağını bildirdi.
Abdullayevniñ qırımtatar milliy areketinde iştiraki aqqında daa tafsilâtlı malümatnı, tarihçı Gülnara Bekirovanıñ «Kyiv-92» tedbiri aqqında materialında oquñız.