Rusiye tarafından ilhaq etilgen Qırımda Telegram messencerini blok etüvniñ birinci adiseleri aqqında bildireler. Bunı Qırım.Aqiqat muhbiri bildire.
Resursqa kirmek teşebbüsi yapılğanda ekranda «Saytqa irişmek teşebbüsi muvafaqiyetsiz oldı» yazısı peyda ola, dep bildirile.
Aynı zamanda mobil cihazlarındaki Telegram ilâvesi evelden olğanı kibi qullanuv içün açıq.
скриншот экрана при попытке доступа на сайт Telegram
Aprel 16-da qomşu Rusiyede mahkemeniñ qararı ile Telegram messengerine irişüvni blok etip başladılar.
Aprel 13-te Moskvadaki mahkeme Telegramnıñ deral blok etilmesine dair qarar aldı. Qorçalavnıñ vekilleri, messencer rehberleriniñ iç bir razılaşma ya da añlaşma yapmaycaqlarını, ve mahkemeniñ qararına qarşı şikâyet berilecegini bildirdiler.
Keçken aftada Roskomnadzor tarafından Telegram içün tayin etilgen muddet soñuna yetti. Muessise, qullanıcılarnıñ mesajlarını şifreleme anahtarlarını FSBge alıp bermekni talap etti. Telegramda bu talapnıñ yerine ketirilmesini red ettiler ve, ondan ğayrı, bunı tehnikiy ceetten yapmaq mumkün olmağanını bildirdiler.