Ukraina topraq bütünligini tikleycek ve cenkni yeñecek. Bunı, Ukraina prezidenti Petro Poroşenko ile beraber Ukraina halqını Yılbaş bayramınen tebriklegen Qırımtatar Milliy Meclisi reisi muavini Ahtem Çiygoz söyledi.
Çiygoz: «Men Ukraina halqı ve öz semetdeşlerimni bayramnen tebriklemek imkânı içün taqdirime minnetdarım. Eminim ki, biz bu yolnı şeref ile keçecekmiz ve bu cenkni yeñecekmiz. Biz devletimizniñ bütünligini tikleycekmiz. Sayğılı semetdeşlerim, küreş devam ete», – dedi.
Ondan ğayrı o, qırımlılarğa qırımtatar tilinde muracaat etip, «beraberlikte biz duşmannı öz vatanımızdan quvalarıq ve kelecek bayramlarnı, kelecek Yañı yıllarnı beraberlikte olurıq», dep, ümütini bildirdi.
Çiygoznıñ videomuracaatı, Poroşenko, aktrisa Ada Rogovtseva ve Ukrainanıñ «Boysundırılmağanlarnıñ oyunları»nda vekili Pavlo Budayevskıynıñ tebriklerinen beraber Ukraina prezidentiniñ saytında neşir etildi.
Ondan ğayrı Ukraina prezidenti Pavlo Poroşenko Yılbaş hayırlavında Rusiye tarafından ilhaq etilgen Qırımda ve Donbassnıñ işğal etilgen territoriyalarında yaşağan vatandaşlarğa muracaat etti.