Avropa Birligi Rusiyege qarşı iqtisadiy sanktsiyalarnı uazattı.
Azatlıq Radiosı muhbiri Twitterde: «ABniñ Rusiyege qarşı iqtisadiy sanktsiyaları daa altı ayğa uzatıldı», – dep bildirdi.
The EU’s economic sanctions against #Russia have now been extended for another six months. #Ukraine #Crimea
— Rikard Jozwiak (@RikardJozwiak) 21 грудня 2017 р.
Dekabrniñ 14-nde Avropa Birligi devletleriniñ liderleri Rusiyege qarşı sanktsiyalarnıñ daa altı ayğa, 2018 senesi iyülniñ 30-na qadar uzatılmasını tasdiq ettiler.
Rusiye, Avropa Birligi liderleri tarafından Moskvanıñ Ukrainadaki stabillikni bozğan areketleri içün sanktsiyalarınıñ daa altı ayğa uzatılması boyunca qararnıñ qabul etilmesini er ceetten tenqit etti.
Rusiyege qarşı sanktsiyalar 2014 senesinde, Moskvanıñ Donbasstaki çatışmada oynağan rolü ve dünya ülkeleriniñ ekseriyeti tarafından tanılmağan Qırım ilhaqı içün qabul etildiler. Daa soñra sıñırlayıcı tedbirlerniñ qullanılması bir qaç kere devam ettirildi.