Rusiyede Amerika Qoşma Ştatlarınıñ elçisi Con Hantsman videorolik yazdırıp, içinde «Qırım kimge ait?» degen sualge, yarımadanıñ Ukainağa ait olğanını söyledi.
Bunı dekabrniñ 13-nde Twitterde AQŞnıñ Rusiyedeki elçiligi bildire.
Elçi: «Bu sualge halqara uquqnen tanış olğan er bir insan cevap bere bile. Qırım – Ukrainadır. Rusiye ile Amerika arasındaki munasebetlerniñ eyileştirilmesi içün Ukrainanıñ topraq bütünligi mutlaqa tiklenilmek kerektir», – dedi.
Daa evel Rusiye prezidenti Vladimir Putinniñ matbuat kâtibi Dmitriy Peskov, Qırım mevzusı «iç bir türlü şekilde muzakere etilmemeli», dedi.
Посол США Джон Хантсман отвечает на один из самых частых ваших вопросов: «Чей Крым?» «Для улучшения российско-американских отношений восстановление территориальной целостности Украины совершенно необходимо.» @CKAHEP pic.twitter.com/GzbNakpvSk
— Посольство США в РФ (@USEmbRu) 13 грудня 2017 р.
Dekabrniñ 13-nde AQŞ Devlet kâtibi Reks Tillerson, Ukrainanıñ topraq bütünligi tiklenilmegence Rusiyege qarşı sanktsiyalar devam etecek, dedi. Onıñ aytqanına köre, bugün Donbasstaki çatışma eñ emiyetli meseledir, lâkin Qırım meselesiniñ al etilmesi içün de vaqıt kelecek.
Halqara teşkilâtları, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri oña qarşı bir sıra iqtisadiy sanktsiyalar qullandı. Rusiye, yarımadanı işğal etkenini red etip, oña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.