Qırımnıñ cenübinde Yalta dağ-roman qoruğı yanmaqta. Qırımdaki Rusiye FVN bildirgeni kibi, saat 7-de saba ateş tarqalmasını toqtatıp oldılar. Yanğın 0,42 gektarnı qapladı.
Müessise malümatına köre, saat 03:35 Uç Qoş deresinde quru ot alevlengeni aqqında haber keldi.
"Qaza yerine kelgen qurtarıcılar, Yalta dağ-roman qoruğında quru ösümlik yanıp başlağanını tayinledi. Qasabağa taraf ateşniñ yayılması telükesi yoq edi", - denile beyanatta.
Şimdilik yanığın yerinde işler devam etmekte.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
Yanğınlarnıñ "qurbanları": Yalta civarındaki qoruq ormanında (süret toplamı)