Ukraina volontöri, “Antitela” taqımınıñ lideri Taras Tololâ, “Mıstetskıy Arsenal”daki muzakere devamında, bugün Yuqarı Rada qabul etken til qanunı, Ukrainanı qaviyleştirir ve Qırımnıñ qaytarılmasını yaqınlaştırır, dep ayttı.
“Öz ayınlavnıñ temeli olğan tilni devlet qorusa, demek budır - devlet qaviyleşkeniniñ timsali. Tek qaviy devlet olaraq biz Qırımnıñ qaytarıluvını baqa bilemiz”, - dedi Topolâ.
Your browser doesn’t support HTML5
Тарас Тополя: «Язык – фундамент самоидентификации народа» (видео)
Çalğıcı qoştı ki, yañı qanun ukrainlerni ukrain tiline aitligini duymağa ve onen qullanıp başlamağa aveslendirir.
Fevralniñ 28-nde Yuqarı Rada til qanunınıñ ekinci oquvda baqılmasını başlattı. Ekinci oquvğa qadar qanun leyhasına 2100 tüzetüv teklif etilgen edi.
2018 senesi fevralniñ 28-nde Ukraina Anayasa mahkemesi «Devlet til siyasetiniñ esasları» qanunını («Kolesniçenko-Kivalov» qanunını) anayasadan tış olaraq tanıdı, çünki Yuqarı Rada onı baquv ve qabul etüv nizamını bozğan edi. Bu qarar mecburiy, soñki ve şikâyet etilmeycek olaraq tanıldı. O vaqıttan berli ve bugünge qadar Ukrainada devlet tili qanunı yoq edi.
Ukraina prezident saylavlarınıñ lideri Volodımır Zelenskıy ve şimdiki devlet yolbaşçısı Petro Poroşenko aprelniñ 21-nde Ukraina prezidenti saylavlarınıñ ekinci turı keçirilgen soñ ukrain tiline qoltutqanlarını bildirdiler.