Qara qış ayınıñ 12-nde gece RF tarafından işğal etilgen Aqyarda ava telükesi ilân etildi. Bu aqta öz telegram kanalında şeerniñ rusiyeli başı Mihail Razvojayev haber etti. Qırım haber kanalları Kefede de ava telükesi ilân etilgeni ve Saq rayonında ve "Belbek" uçaq alanı civarında patlav sesleri eşitilgeni aqqında yaza.
"Belbek" uçaq alanı civarında küçlü patlavlar, soñra Aqyarda ava telükesi ilân etildi. Uçaq alanı civarında qırmızı yarıq körüne", — dep bildire "Krımskiy veter" telegram-kanalı öz abunecilerine atıf etip.
Qara qış ayınıñ 12-nde saba Aqyarnıñ rusiyeli başı Razvjayev bölge üzerinde 4 pilotsız uöaq urulıp tüşürilgenini haber etti ve ücümniñ aqibetleri aqqında yazdı.
"Balıqlavda eki çoq qatlı evniñ eki penceresi parçalarnen zararlandı ve evniñ fasad divarı kesildi. Balıqlavdaki bala bağçası territoriyasında saba urulıp tüşürilgen pilotsız uçaqtan kiçik parçalar tapıldı. Bundan ğayrı, parçalar eki maşnağa da zarar ketirdi. Adamlardan kimse zarar körmedi", — dep bildirdi o Telegram kanalında.
Ukrayina ve Rusiye arbiyleri ücüm aqqında şimdilik haber etmey.
2022 senesinden berli Qırım yarımadası aman-aman er kün uçucısız ve raketalarnıñ ücümlerine oğray, çoqusı allarda bu malümat tasdıqlansa bile, Rusiye Mudafaa nazirligi ya da Rusiye akimiyeti arbiy obyektlerge darbe endirilgenini inkâr ete.