Qırımtatar Milliy Meclisiniñ birinci muavini Nariman Celâlnıñ qorantası işğal etilgen Qırımnı terk etip, Kıyivge yol aldı, dep bildirdi Kremlniñ sabıq mabüsi. İyülniñ 5-nde aqşam o, qadını ve balalarınen körüşecek.
Qırımtatar Milliy Meclisiniñ reisi Refat Çubarov da Celâlnıñ qorantasınıñ kelmesi aqqında malümatnı izaatladı.
"Narimannıñ qorantası qadını Leviza ve dört balası endi Ukrayinağa yol aldı. Neticede, Narimannıñ qorantasınıñ havfsızlığı içün alınğan bütün tedbirler artta qaldı", — dep aytıla haberde.
Çubarov, yarın saba Celâl, oña muracaat etken jurnalistlernen şahsen bağlanmaqnı planlaştıra, dep qoştı.
İyünniñ 28-de Rusiye esirliginden on Ukrayina vatandaşı azat etildi, olarnıñ arasında Qırımtatar Milliy Meclisi reisiniñ birinci muavini Nariman Celâl bar. Bugünde-bugün ukrayin siyasiy mabüsleriniñ sayısı 217 adamnı teşkil ete, olarnıñ 60% - qırımtatar, dep bildirdi Ukrayina prezidentiniñ QMC-deki vekâletli temsilcisi Tamıla Taşeva.
2022 senesi sentâbrniñ 21-nde Rusiyeniñ kontroli altında olğan Qırım Yuqarı mahkemesi Celâlğa "Anğarada gaz borusında diversiya aqqında dava" boyunca sert rejimli koloniyada 17 yıl azatlıqtan marum etüv cezasını berdi, 700 biñ ruble para cezasını berdi ve 1,5 yıl azatlıqtan marum etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.