Rusiye Dnipropetrovsk vilâyetiniñ Çaplıno tren stantsiyasında raketanen ücüm etti, eñ az 15 kişi elâk oldı, tahminen 50 insan yaraladı. Bu aqta avgustnıñ 24-nde Ukrayına prezidenti Volodımır Zelenskıy BM Telükesizlik hızmetiniñ toplaşuvında çıqışta bulunıp ayttı.
Onıñ malümatına köre, Rusiye Federatsiyası ordusınıñ darbesi neticesinde Çaplıno stantsiyasında dört yolcu vagonı yanıp başladı.
«Qurtarıcılar çalışa. Amma, ne yazıq ki, elâk olğanlarnıñ sayısı arta bile. Er kün böyle yaşaymız. Rusiye BM Telükesizlik hızmetiniñ toplaşuvına böyle azırlandı», – dep ayttı Ukrayına prezidenti.
Avgustnıñ 24-nde kün devamında bütün Ukrayınada telüke signalı oldı. Rusiye ordusı regionlarğa ateş açtı. Dnipropetrovsk vilâyetinde Rusiyeniñ darbesi neticesinde bala elâk oldı, dep bildirilgen edi.
Delillerge baqmadan, Rusiye ordusı Ukrayınanıñ barışıqsever sakinlerine qarşı ücümlerni inkâr ete.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.