Rusiye prezidenti Vladimir Putinniñ işğal altındaki Donbasnı ziyaret etmek planları bar, dep tarif etti dekabrniñ 3-nde Kremlniñ spikeri Dmitriy Peskov. Peskov tam bir planını seslendirmedi, dep haber ete TASS Rusiye devlet haber agentligi.
«Putin Donbasnı ziyaret etecek», – dep bildire spikerniñ aytqanlarını agentlik.
Rusiye Ukrayınanıñ eki vilâyet merkezi, Donetsk ve Lugansknı, 2014 senesi baar-yazından berli kontrol ete. 2022 senesi büyük istilâ vaqtında Moskva Lugansk vilâyetini aman-aman bütünley işğal etip oldı, amma Donetsk vilâyetinde cebeniñ büyük qısmında taraflarnıñ mevzileri 2014 senesinden berli pek az deñişti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.