Qırımdaki rusiye akimiyeti, qırımtatarlar yarımadanıñ ilhaqını qabul etmegeni içün, olarnı ekstremist ve terrorist olaraq kstermege tırışa. Terrorcılıqta qabbatlav ise qolay basqı aleti oldı. Bu aqta halqara uquq qoruyıcı Human Rights Watch teşkilâtınıñ Avropa ve Merkeziy Asiya boyunca müdiri Hugh Williamson bildirdi.
"Rusiye akimiyeti, işğalni qabul etmegen qırımtatarlarnı "terrorcı" ve "ekstremist" kibi köstermege tırışa. Cinaiy terrorcılıq faaliyetinde qabaatlav ise qolay basqı aleti olıp qaldı", - dedi o.
Human Rights Watch iyül 12-sinde derc etken maruzasında, Qırımda terrorcılıqta qabaatlanıp mahkemelengen 24 qırımtatar bar, olarnıñ 20-si Rusiye quvetçileri yapqan tintüvlerden soñ tevqif etildi, dep yazıla.
Uquq qoruyıcılar qayd ete ki, apis etilgen qırımtatarlardan dörtü işkencege oğradı; tintüv ya da tevqif vaqtında advokatlarnıñ o yerde bulunmaqnı red etile edi; quvetçiler özleri tintüv vaqtında dedillerni ketirip taşlay ediler.
Uquq qoruyıcılar, Rusiye akimiyetini tutulğan faallerni yibermege çağırta.
Rusiye tarafı Human Rights Watch beyanatını şimdilik tefsir etmedi.