Ukrayına Mudafaa naziri Oleksiy Reznikov noyabrniñ 7-nde Ukrayına yañı ava mudafaa sistemalarını teslim aldı, dep bildirdi.
«Baqıñız, neler bar! NASAMS ve Aspide ava mudafaa sistemaları Ukrayınağa kelip çıqtı. Bu silâ Ukrayına silâsını quvetleştirip, kökümizni daa telükesiz yapacaq», – dep bildirdi o.
Reznikov Norvegiya, İspaniya ve Amerika Birleşken Devletlerine bergen silâları içün teşekkürler bildirdi.
Ukrayına alğan sistemalarnıñ sayısını ve ne vaqıt kelgenini Reznikov aytmadı.
Noyabrniñ başından Pentagon ABD Ukrayınağa yaqın eki aftada eki NASAMS sistemasını bermege, daa altı danesini soñra bermege planlaştıra, dep bildirdi.
Noyabrniñ 4-nde Ukrayına prezidenti ofisiniñ yolbaşçısı Andriy Yermak bildirgenine köre, Ukrayına ABDden yañı arbiy yardım aldı. Pentagondaki brifingde qayd etilgenine köre, laf Phoenix Ghost kamikadze-dronı, 250 zırhlı tehnika, 40 zırhlı kater ve Çeh Cumhuriyetinde olğan T-72 sovet tankını aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.