Herson vilâyetiniñ Kalançak ve Çaplınka rayonlarında, “Qırım titanı” zavodından ekşilik maddelerniñ taşlanması sebebinden 234 kilometr maşna yolu ilâclandı. Bunı Herson vilâyetinde Ukraina Devlet Fevqulade vaziyetler Hızmetiniñ (FVH) baş idaresiniñ matbuat hızmeti haber ete.
“Bu işni başlağanımızdan soñ, maşna yollarınıñ endi 234 kilometri ilâclandı, bundan ğayrı 2,5 gektarlıq yer ve “Kalançak” ve “Çaplınka” kiriş-çıqış noqtalarınıñ binalarına da ilâc sepildi”, - dep aytıla beyanatta.
Daa evel haber etildi ki, sentâbrniñ 9-ına Qırım memuriy sıñırı yanında yerleşken Aleksandrovka, Gavrilovka ve Alekseyevka köylerinde zararlı taşlantılarnıñ kölemi normadan çıqmadı.
Devlet sıñır hızmeti başlığınıñ yardımcısı Oleg Slobodân evel haber etti ki, 61 ukrain sıñırcısı taşlantılar neticesinde alı yaramaylaşqanı içün hastahanege qoyuldı.
Avgustnıñ 23-nden 24-ne keçer gecesi Ermeni Bazarda malüm olmağantaşlamalar qayd etildi. Sentâbrniñ 4-nde Rusiye nezareti altındaki Qırım yolbaşçısı Sergey Aksönov avada bulunğan zararı maddeler qoyulığı qabil sıñırnı aşqanı aqqında ilân etti.
Qırım memuriyeti aytqanına köre, zararlı maddeler taşlantılarınıñ sebebi yarımada şimalinde “Qırım titanı” qullanğan ekşilik havzularından çıqqan buvlanuvdan olğan eken. Uzun yıllar devamında istisal taşlantıları aqızılğan havuz sıcaqtan dolayı quruğan dep iddia ete memurlar.
Your browser doesn’t support HTML5
Две недели после выбросов в Армянске. Что происходит в Крыму? (видео)
Qırımnıñ rusiyeli başlığı Sergey Aksönovnıñ emrinen, Ermeni Bazardan mektep çağına yetmegen ve mektep çağındaki balalarnı avanıñ bulaşuvı içün Qırım sanatoriylarına yolladılar.Qırımnıñ şimalinde zararlı taşlamalarnıñ kölemi normadan tış çıqtı. Qırımnıñ rusiyeli başlığı Aksönovnıñ aytqanına köre, “Qırım titanı” zavodınıñ işi eki aftağa toqtatıldı.
“Qırım titanı” zavodı daa 1971 senesi işinibaşladı, 2000 senelerniñ başında ise, Dmıtro Firtaşnıñ Groop DF şirketiniñ nezareti altına keçti. İşhaneniñ esas yönelişi - titan dioksidiniñ istisalı. Titan dioksidi - lak, boya, rezina, plastmassa işlep çıqaruvında ve daa çoq başqa saalarda qullanılğan madde.