Oktâbrniñ 1-inden “Krımtrolleybus” şirketi trolleysbuslarda yol ücreti içün mahsus elektron plastik kartalarnı qabul etip başlaycaq. Bunıñ aqqında Qırımnıñ rusiye Naqliyat Nazirliginiñ matbuat hızmeti haber etmekte.
Beyanatta deñile ki, “Krımtrolleybus” şirketi, Aqmescit (Simferopol), Aluşta, Yalta şeerlerinde ve şeer etrafı yürgen №21 (Aqmescitniñ demiryol vokzalı - Anğara (Perevalnoye) köyü) trolleybusta yol ücretini tölemek içün mikroprotsessorlı kontaktsız plastik kartalarnı işletip başlay.
Matbuat hızmeti, Aqmescit demiryol vokzalınıñ şeerler ara trolleybus kassalarında, Aluşta ve Yaltanıñ soñ stantsiyalarında, Aqmescit trolleybus parkında, “Krımsoyuzpeçat” tükânçıqlarında ve “Qırım poçtası”nıñ bütün bölüklerinde kartalarnı satın almaq mümkün olğanını bildire.
“Krımtrolleybus”nıñ malümatına köre, elektron yolcu kartaları, aynıñ birinci kününden soñki kününe qadar sayısız yürme aqqını bere. Elektron yolcu biletini qullanmaq içün, kartanı satın almaq ve esabına aqça qoymaq kerek. Yol ücretini kartanenödemek içün, aydayıcı, konduktor ya da, trolleybusnıñ içinde yerleştirilgen, mahsus terminalnı qullanmaq mümkün.