Rusiye Federatsiyasınıñ ordusı işğal etilgen Melitopol ve Zaporijjâ vilâyetiniñ diger işğal etilgen yerlerinden Ukrayına kontrol etken yerlerge çıqışnı zorlaştırdı, dep bildirdi şeer yolbaşçısı İvan Fedorov umummilliy telemarafon yayınında.
«Başta komendaturağa kelip, ariza bermek kerek, anda 2014 senesinden berli nenen oğraşqanını, soylarıñ kim ola yazmaq kereksiñ. Soñra birisi bir qarar alacaq eken… Amma ariza berseñ de, çıqmağa izin bereceklerini kefil etmeyler. Ariza berip, çıqış izni alğanlar, «Vasilovkağa» (keçiş noqtası – QA) kelgende ise kadırovcılardan bunı eşitkenler bar: «Sizni yibermege istemeymiz», – dep qayd etti Fedorov.
Onıñ aytqanına köre, Melitopolde böyle ariza bermege istegenlerniñ nevbeti dekabrniñ ortasına qadar bar.
«Evelden Zaporijjâdan «Vasilovkağa» bir künde tahminen biñ insan çıqsa, soñki aftada dört vaqtınca işğal etilgen vilâyetten tek 980 insan yiberildi», – dep ayta Fedorov.
Oktâbrniñ 25-nde Ukrayınanıñ vaqtınca işğal etilgen topraqlarınıñ reintegratsiya meseleleri nazirligi Rusiye vaqtınca işğal etken topraqlardan çıqmaq «aman-aman imkânsız oldı», dep bildirdi. Müessise tahliye olmağa istegenler bunı çat-botqa bildire bile, dep hatırlattı – Minre_1548_Help_Bot ya da Reintegratsiya nazirliginiñ canlı bağına: 15-48.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.