Büyük Britaniya ükümeti cumaaqşamı künü karantinni daa üç aftağa uzatacağı aqqında bildirdi. Bunı "Golos Ameriki" bildire.
Britaniya tış işler naziri Dominik Raab jurnalistlerge bildirgeni kibi, fevqulâde vaziyetler komiteti, şimdiki sıñırlav tedbirleri yımşatılsa, bu adamlarnıñ sağlığına ve Britaniya iqtisadiyatına zarar ketire bile.
Raabnıñ aytqanına köre, şimdilik ülkede 103 093 koronavirus adisesi ve 13 729 ölüm qayd etilgen.
Büyük Britaniyada karantin rejimi martnıñ 23-ünde başlandı.
Your browser doesn’t support HTML5
Коронавирус и фейки: как пропаганда говорит о пандемии | StopFake News (видео)
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.