Kiçik aynıñ 4-ne keçken gecesi Rusiye arbiyleri Ukrayinanıñ territoriyasına Rusiyeniñ üç yönelişinden, em de işğal etilgen Donetsk ve Qırımnıñ Çauda burnundan 105 "Şahed", "Gerber", "İtalmas" ve diger çeşitlerniñ ücüm uçaqları ile ücüm etti, dep bildirdi Ukrayina Arbiy ava quvetleri. Bu malümatqa köre, uçurılğan uçaqlarnıñ 70-i "Şahed" uçaqları edi.
"Saat 8-de berilgen malümatqa köre, ava mudafaası tarafından memleketniñ şimalinde, cenübinde ve şarqında 88 duşman pilotsız uçağı, "Şahed", "Gerber", "İtalmas" ve diger tiplerniñ dronları urulıp tüşütüşgen ya da yoq etilgen. 14 yerge 17 pilotsız uçaq uruld", — dep aytıla haberde.
Rusiye Mudafaa nazirligi ücümni şimdilik izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.