BMT, Rusiye Devlet Dumasınıñ millet vekili, ilhaq etilgen Qırımnıñ sabıq prokurorı Natalya Poklonskayanıñ, teşkilatnıñ "qırımlılarnıñ Rusiye parlamentinde vekil statusınıñ tanıması" iddia etken malümatı ile alâqadar açıqlamalar berdi.
BMT-nıñ İnsan Aqları boyunca Aliy Komissarınıñ idaresiniñ (İAAKİ) matbuat kâtibi Rupert Colville, İdel.Aqiqatqa bildirgeni kibi, İAAKİ-niñ Qırım statusı ile bağlı nazar noqtası deñişmez qalğanını bildirdi.
BMT-niñ İnsan Aqları boyunca Aliy Komissarı idaresiniñ Qırım statusı ile bağlı nazar noqtası deñişmez qalaRupert Colville
"Aliy Komissar, Rusiye Devlet Dumasınıñ halqara işler Komiteti reisiniñ müavini Natalya Poklonskayadan Qırım Muhtar Cumhuriyetinde ve Aqyar şeerinde suv teminatı meselesinde raatsız olğanını ifade etken mektüp aldı.
İAAKİ tarafından Qırımğa irişimi olmağanından sebep, İAAKİ Saa Ameliyatları ve Tehnikiy Emekdaşlıq bölüminiñ müdiri, Poklonskaya hanımğa, Ukrainada İnsan Aqlarına riayet etilmesini közetmek içün bizim missiyamıznıñ malümatını köstermek istegi ile cevap berdi. BMT Baş Assambleyasınıñ Ukrainanıñ topraq bütünligine dair 68/262 sayılı qararı ve qırım Muhtar Cumhuriyetinde ve Aqyar şeerinde İnsan Aqları vaziyeti aqqında Baş Assambleyanıñ 71/205, 72/190, 73/263 ve 74/168 qararlarına esaslanıp, İAAKİ-niñ Qırım statusı ile bağlı nazar noqtası deñişmez olaraq qala", - añlattı matbuat kâtibi.
Bir kün evel Poklonskaya, BMT-niñ İnsan Aqları boyunca Aliy Komissarınıñ idaresi, onıñ yarımadağa Dnepr suvunı berilmemesi aqqında hitabına cevap berdi, dep ayttı.
Buña ise Ukraina Tış İşler Nazirliginiñ baş müavini Emine Ceppar, Poklonskayanıñ sözleri manipulâtsiyadır, dep ayttı.
Эмине Джеппар
Poklonskaya, onıñ rusiye reberleri kibi, arzu olunğan şeylerni kerçek kibi köstermege tırışaEmine Ceppar
ve BMT-nıñ İnsan Aqları boyunca Aliy Komissarınıñ idaresine (İAAKİ) etilgen muracaatlarnıñ baqılması mehanizminen manipulâtsiya ete, halqara teşkilâtlarnıñ vekilleriniñ Qırımğa davet etilmesi aqqında aytıp ve soñkilerniñ mektüplerini özüniñ ve öz areketlerniñ işğal etilgen Qırımda "tanıma" kibi köstermege tırışa", - qayd etti Ceppar.
“Poklonskaya, rus bələdçiləri kimi, arzuolunan düşüncə tərzində, Birləşmiş Millətlər Təşkilatının İnsan Hüquqları üzrə Ali Komissarlığının (OHCHR) Bürosuna edilən müraciətlərə baxılması mexanizmini manipulyasiya edir, beynəlxalq təşkilatların nümayəndələrini Krıma dəvət etməsindən bəhs edir və sonunculardan məktubları özünə“ etiraf ”olaraq ötürməyə çalışır. və onların işğal altındakı Krımdakı hərəkətləri ”dedi.
2014-ünci yılda Rusiye Qırımnı işğal etkeninden evel Natalya Poklonskaya Ukraina prokuraturası organlarında çalıştı. 2014-ünci yılda baarde Kreml nezaretindeki yarımada akimiyeti onı Qırım prokurorı olaraq tayinledi. O, rusiyede ve ilhaq etilgen Qırımda Qırımtatar Milliy Meclisiniñ yasaqlanmasınıñ teşebbüsçisi oldı
Poklonskaya, Moskova yarımadada ötkergen, amma Ukraina ve Ğarp tarafından tanılmağan, saylavlarda Devlet Dumasına saylanıldı.
Ukrainanıñ qıtasında Poklonskayağa qarşı cinaiy davalar açılğan, şu sıradan devlet hainligi aqqında da. Bundan ğayrı o, AB-niñ ve daa bir qaç başqa memleketniñ sanktisyalar cedvelinde buluna.