Belli qırımtatar jurnalisti Gülnara Kürtaliyeva aprelniñ 5-nde Kıyivde 65 yaşında vefat etti. Bu aqta Qırımtatar Milliy Meclisiniñ reisi Refat Çubarov öz telegram kanalında bildirdi.
Çubarovnıñ aytqanına köre, Kürtaliyeva uzun sürgen hastalıqtan soñ vefat etti. Gülnara 1990 senesi iyün 15-den başlap Qırımtatar milliy areketi teşkilâtınıñ "Avdet" qırımtatar gazetasınıñ jurnalisti olıp çalıştı. Daa soñra Gülnara Kürtaliyeva "Ukrinform" Ukrayina milliy haber agentliginiñ mühbiri olıp çalıştı.
Çubarovnıñ bildirgenine köre, cenaze aprelniñ 6-nda saat 13:00 Kıyiv vilâyetiniñ Çayki soqağındaki camide ötkerilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.