Ukraina prezidentiniñ QMC ve Aqyar vekilliginde, avgustta koronavirus pandemiyası sebebinden Qırım ve Herson vilâyeti arasındaki sıñırda sıñırlavlarnı lâğu eteceklerini bildirdiler.
Vekillik avgust 26-sında qabul etilgen Nazirler Kabinetiniñ qararına atıf ete.
Hususan, avgustnıñ 29-ından başlap, Qırım ve Herson vilâyeti arasındaki memuriy sıñırdaki işni sıñırlağan avgust 8-inde qabul etilgen Nazirler Kabinentiniñ qararı quvetini coyacağı bildirile.
"Kiriş-çıqış noqtalarınıñ keçit protsedurasınıñ tafsilâtı keççe berilecek. Akimiyet qararınıñ tolu metni yarın derc etilecek", - denile vekillikniñ beyanatında.
Ukraina Nazirler Kabinetiniñ saytında bu qarar aqqında şimdilik malümat yoq.
Your browser doesn’t support HTML5
Админграница: кого пропустили, а кого нет? | Крым.Реалии ТВ (видео)
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».