Rusiyeniñ Krasnodar ülkesiniñ valisi Veniamin Kondratyev yanvarniñ 21-nde aqşam Temrük rayonınıñ Volna qasabasında liman terminallarında çıqqan yanğın aqqında bildirdi.
Onıñ aytqanına köre, birden dört cermay rezervurı yanıp başladı.
Kondratyev eki elâk olğan müessise hadimi ve bir qaç yaralanğan kişi aqqında bildirdi. Rusiye regionınıñ operativ ştabı dron ücümi neticesinde üç kişi elâk oldı, sekiz insan yaralandı, dep qayd etti. Bütün yaralanğanlar orta seviyeli yaralarnen hastahanege alındı.
Yanvarniñ 22-nde saba operativ ştab liman terminalındaki yanğın bütünley söndürildi, dep bildirdi.
Kondratyev Ukrayina ordusını terminalğa ücüm yapqanında qabaatladı. Ukrayina Silâlı quvetleri Krasnodar ülkesindeki liman infrastrukturasına qarşı darbeni şimdilik izaatlamadı.