Aqmescit rayonınıñ Livadki köyünde avgustnıñ 2-sinde Qadır Caminiñ resmiy açılışı oldı. Onı, Qırım musulmanlarınıñ rusiyeli müftisi Emirali Ablayev açtı, dep bildire Qırım.Aqiqat mühbiri.
Cami manzarası
Tedbirde Livadki, Acı Qal (Çistenkoye) köyleriniñ ve Aqmescitniñ sakinleri bar edi ve, olarnıñ arasında, Rusiye Devlet Dumasınıñ mebusı Ruslan Balbek.
Qırım camileri: Qadır Cami - “Tavrida”nıñ çetindeki cevher (süret toplamı)
Cami qurulışı 2012 yılı başlandı, esas qurulış işleri ise 2017 yılı yekünlendi. Cami ayrı adamlarnıñ ve cemiyetniñ aqçasına quruldı.
Qadır Cami - yarımadadaki eki minareli camilerinden birisi. Er minareniñ öksekligi - 40 metr. Olarnı mahsus Türkiyeden davet etilgen ustalar qurdı.
Cami binası Aqmescit-Aqyar yolu ve "Tavrida" federal trassasınıñ yanında buluna.