Yanvarniñ 15-ne keçer gecesi Rusiye arbiyleri Ukrayinağa Shahed, "Gerber", "İtalmas" ve diger çeşit 82 darbe dronınen Rusiyede beş yönelişten ve işğal etilgen Qırımdaki Sarabuz qasabasından ve Donetskten ücüm etti. Tahminen 60-ı Shahed edi, dep haber ete Ukrayina Silâlı quvetleriniñ Ava küçleri.
"İlk malümatqa köre, saat 08:30-ğa qadar ava mudafaası Shahed, "Gerber" ve diger dronlar olğan 61 duşman uçucısızını memleketniñ şarqı ve şimalinde urdı/bastırdı. 13 yerde 21 darbe uçucısızınıñ ücümi qayd etildi, üç yerde urulğan uçucısızlarnıñ parçaları qayd etildi", – dep bildire Ukrayina arbiyleri ve ücüm ete, dep qoşalar, "avada bir qaç duşman uçucısızı bar".
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.