Kyivde “Qırım evi”nde bedava qırımtatar tili kurslarına qayd etüv başlandı. Buñı “Qırım evi”niñ matbuat hızmeti haber ete.
“Er cumaertesi künü saat 11:00 “Qırım evinde” biz sarfnı (grammatika) tafsilâtlı talil etecekmiz, söz terkibini keñleştirecekmiz, tilni davuşından añlamağa ögnecekmiz, bundan ğayrı - tilni ameliyatta qullanaq içün, turmuş ve iş sübetlerinde raat alıp barmaq içün çoq laf etecekmiz! Dersler sentâbrniñ 8-nde başlanacaq”, - dep aytıla beyanatta.
Dersler, qırımtatar tilini iç ögrenmegenler, bundan ğayrı - bir de bir til bilgisi seviyesi olğan, amma onı ilerletmege istegenler içün kelişe. Oca - Mustafa Ametov. Ögrenüv - bedava, amma evelden mıtlaq qayd olmaq şart.
Your browser doesn’t support HTML5
Родной язык | Видеоуроки «Elifbe» (видео)
Oquñız – «Yoq etüv siyaseti»: Rusiyeniñ til qanunı Qırımğa neler ketirecek
Qırımnıñ rusiyeli memuriyeti mektepte qırımtatar ve ukrain tilleriniñ ögrenüvini olduqça azlaştırdı. Qırımtatarlarnıñ tuvğan tilni mektepte ögrenüvinden marum olğanları aqqında Milliy Meclis vekilleri haber ete edi.
Aynı vaqıtta işğalden soñ qabul etilgen “Qırım cumhuriyeti Anayasası”nıñ 10-uncı maddesine köre qırımtatar ve ukrain tillerine devlet tili statusı berilgen edi.
Qırımtatar Milliy Meclisiniñ azası Eskender Bariyev, yarımadada 16 qırımtatar oqutuv tilinen mektepten edi danesi qalğanını haber etti.
Qırımdaki Ukrain medeniy merkeziniñ faalcisi Leonid Kuzmınnıñ malümatına köre, işğalden evel olğan 7 ukrain mektebinden bir danesi de qalmadı.