Ukrayina mudafaası bağ gruppasınıñ («Ramştayn» formatı) nevbetteki, 24-ünci toplaşuvı, sentâbrniñ 6-nda keçirilecek, dep bildirdi Azatlıq Radiosınıñ mühbirine Avropadaki ABD arbiy ava quvetleriniñ komandanlığı.
«2024 senesi sentâbrniñ 6-nda ABD Mudafaa naziri Lloyd Austin Almaniyadaki «Ramştayn» ava bazasında Ukrayina mudafaası bağ gruppasınıñ körüşüvini keçirecek», – dep aytıla haberde.
Evelki toplaşuv iyunniñ 13-nde oldı, o vaqıt Ukrayina içün ava mudafaa meseleleri muzakere etildi. Argentina «Ramştayn» toplaşuvınıñ yañı azası olğan edi.
ABD yolbaşçılığında Ramştayn gruppası – Ukrayinağa silâ ketirilüvini koordinatsiya etken 50-den çoq memleketniñ işbirligi mehanizmidir.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.