Rusiye akimiyeti ile dialog qurmaq imkânsız, dep aytqan edi: Qırımda tutulğan Nariman Celâl nenen belli (fotoresimler)
Celâl Nariman Enver oğlu 1980 senesi Özbekistanda doğdı. 80-lerniñ soñunda qorantasınen beraber Qırımğa qayttı, Canköy mektebinde oqudı. Celâl ATR telekanalında alıp barıcı, «Avdet» gazetasında mühbir olıp çalışta ve Aqmescit halqara mektebinde tarih ve uquqşınaslıq derslerini berdi. 2013 senesinden ve Qırım Rusiye tarafından işğal etilgen soñ Meclis faaliyetiniñ yasağına qadar Qırımtatar Milliy Meclisiniñ reis muavini, informatsion-analitik bölüginiñ reberi.
Nariman Celâl Qırımda yaşay. Onıñ aytqanına köre, 2014 senesi mart ayında «Rusiye akimiyeti ile dialog qurmaq imkânsız olğanını añladıq». 2015 senesi martnıñ 27-nde Rusiye quvetçileri Aqmescit rayonınıñ Biy Tanış köyünde Nariman Celâlnıñ evini tintti. Celâl «fevral 26 davası» boyunca sorğuğa çağırılğan edi. O, beş saattan çoq devam etti
Nariman Celâl Qırımda Rusiye akimiyeti tarafından taqip etilgen qırımtatar faallerine qoltuta. Bu fotoresimde 2017 senesi Rusiye kontrolindeki Qırım Yuqarı mahkemesiniñ binası ögünde oğlunen tura
Nariman Celâl (ortada) «fevral 26 davası» boyunca oturışuv keçirilgen Aqmescitteki Rusiye mahkemesiniñ binası ögünde Bekir ve Aliye Degermencilernen tura. Dava mabüslerinden biri Mustafa Degermenci – Aliye tata ve Bekir ağanıñ oğlu
Qırımnıñ Rusiye prokurorı Natalya Poklonskaya ve Qırımtatar Milliy Meclisiniñ reis muavini Nariman Celâl (soldan sağğa) Meclis faaliyetiniñ yasağına dair dava kopiyası berilgende, Aqmescit, 2016 senesi fevralniñ 15-i
2018 senesi noyabr ayında Rusiye FSBsi Qırımğa qaytqan qırımtatar milliy areketiniñ faali Nariman Celâlnı tuttı. O, FSB hadimleriniñ diqqatını Qurultaynıñ 100 yılı pulı, Qırım işğali kitabı, Qırımtatar Milliy Qurultayı konferentsiyasından bloknotları celp etti. Bundan ğayrı, FSB hadimleri Nariman Celâlnıñ cep telefonını teşkerdi
Nariman Celâl (ortada) «Veciye Kaşka davasınıñ» mabüslerine faal qoltutqan edi. Fotoresimde Aqmescitteki Rusiye binası ögünde tura, 2019 senesi yanvarniñ 24-ü
Nariman Celâl «Qırım birdemliginiñ» bütün körüşüvlerinde iştirak ete
Nariman Celâl ve Ahtem Çiygoz 2019 senesi ABD Kongressi ve Devlet departamentindeki körüşüvlerde
2020 senesi sentâbr ayında Ukraina prezidentiniñ ofis reberiniñ birinci muavini Serğiy Trofimov (soldan) Nariman Celâlğa III derece «Yararlıqlar» nişanını berdi
Narimannıñ ömür arqadaşı Leviza Celâl 2021 senesi sentâbrniñ 4-nde Aqmescit rayonınıñ Biy Tanış (Pervomayskoye) köyünde aqayı tutulğan soñ. Nariman dört balanıñ babasıdır