Rusiye mahkemesi 13 ve 18 yılğa üküm etken qırımlılar Ruslan Nagayev ve Şaban Umerovnıñ apishane aşlarında domuz eti bar, islâmda domuz eti yasaqlana. Bu aqta «Qırım birdemligi» haber ete.
«Aşları balanslı degil. Aşta domuz eti bar, Ruslan musulman ola, domuz etini aşamay», – dep tarif etti Ruslannıñ ömür arqadaşı Zarema.
Qadınnıñ qayd etkenine köre, aqayını cerrah baqmalı. Apishane terapevti Nagayevge ilâc berdi, amma diagnozı yoq, mesleat bermey.
Umerov etaptan soñ «yasaqlanğan vaqıtta yuqlap qalğanı içün ceza izolâtorına alındı, dep şikâyet etti.
Nagayev ve Umerovnı Rusiye akimiyeti Rusiyede terror teşkilâtı dep tanılğan, amma bir çoq memlekette milliy qanunlar seviyesinde sıñırsız areket etken «Hizb ut-Tahrir» islâm siyasiy firqası ile alâqaları olğanında qabaatladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.