Aqmescit civarındaki Mamaq köyünde üç yaşında Musa Suleymanovnı qıdırmağa devam eteler. Qırımnıñ Rusiye prokuraturası Rusiye Ceza kodeksiniñ 105-inci maddesiniñ 2-nci qısmınıñ «v» noqtasına istinaden – küçük bala öldürilüvi – cinaiy dava açtı.
«Prokuratura, çağına yetmegenlerniñ baqılmaması ve bozuv profilaktika sistemasınıñ organları ve müessiseleriniñ teşkerilüvini teşkil etti, bu qorantanıñ belli kontroline qıymet kesilecek. Bundan ğayrı, küçük balanı terbiye etüv vazifelerini keregi kibi yerine ketirüvde ana-babasınıñ areketlerine qıymet kesilecek», – dep aytıla prokuraturanıñ matbuat hızmeti haberinde.
Hatırlatamız, Qırım ve Aqyardaki Rusiye Tahqiqat komitetiniñ idaresi üç yaşında Musa Suleymanovnıñ iyülniñ 24-nde Aqmescit civarında Mamaq köyünde ğayıp oluvınen bağlı cinaiy dava açtı.
Daa evel berilgen malümatqa köre, balanı qıdırmaq içün Rusiye politsiyasınıñ hadimleri, kinologlar, Qırımdaki Rusiye Fevqulâde vaziyetler nazirliginiñ vekilleri ve «Liza Alert» teşkilâtınıñ göñüllileri celp etildi.
Coyulğan oğlançıq – cemaat jurnalisti, Aqmescitteki ekinci «Hizb ut-Tahrir davasınıñ» mabüsi Ruslan Suleymanovnıñ oğludır.