Ukrayina Ava quvetleriniñ malümatına köre, Quralaynıñ 8-inde gece Rusiye ordusı farqlı yönelişlerden çeşit tiplerdeki 67 ücüm BPLA-nen ücüm etken. Olarnıñ arasında "Şahed", "Gerbera", "Italmas" ve taqlitçi dronlar "Parodiya" bar edi.
Ukrayina ava mudafaası Quralaynıñ 8-inde gece Ukrayinağa ücüm yapqan 56 rus pilotsız uçağı (BPLA) zararsızlaştırıldı, dep haber ete Ukrayina Ava quvetleriniñ matbuat hızmetleri "Telegram"da.
Ukrayina arbiyleri 8 yerde 11 ücüm BPLA urulğanını ve 7 yerde parçalar tüşkenini qayd ettiler.
Bundan evel Rusiyeniñ Mudafaa nazirligi Rusiyede Quralaynıñ 9-ında qayd etilgen Ğalebe künü munasebetinen Quralaynıñ 8-iden 10-na qadar Ukrayinağa qarşı cenkte ateş toqtatuv ilân etecegini bildirgen edi. Nazirlikte bu devirde "mahsus arbiy ameliyat" mıntaqasındaki bütün rusiyeli asker gruppaları arbiy areketlerni bütünley toqtatacaqlarını bildirildi.
Rusiyeniñ Mudafaa nazirligi Ukrayinanı "buña uymağa» çağırdı, akis alda "lâyıq cevap" olacağını bildirdi.