Moskova şeer mahkemesi, zapt etilgen ukrain deñizcilerniñ 2019 yılınıñ oktâbr ayınace uzatılğan tevqifine apellâtsiya baqıluvını avgustnıñ 16-sına tayin etti.
Bu hususta Rusiye advokatı Nikolay Polozov öz Facebook saifesinde yazdı.
"Moskova şeer mahkemesi, 2019 senesi avgust 16-sına saat 11:00-ge cenk esiri olğan ukrain deñizcilerniñ apellâtsiya şikâyetleriniñ baqıluvını tayinledi", - dep yazdı Polozov.
Advokat, bu mahkeme oturışı cenk esiri olğan deñizcilerniñ birinci gruppasına - Denıs Ğrıtsenko, Vyaçeslav Zinçenko, Mıhaylo Vlasük, Boğdan Ğolovaş, Serğiy Popovğa ait, dep qoştı.