Amerika Qoşma Ştatlarınıñ devlet kâtibi Mike Pompeo Kyivge keldi, bunı Azatlıq Radiosı haber ete.
"Bugün Kyivde olmaq güzel. AQŞ-nıñ Ukrainağa destegi deñişmez ve men bunı Ukraina liderleri ile körüşüvlerde qayd etecek olam. Körüşüvlerde ise strategik ortaqlığımıznı daa yahşı yapmaq ve Ukrainanıñ azat ve demokratik devlet olaraq mevamını küçlüştirmek yollarını muzakere etecek olamız", - yazdı Twitterde Pompeo.
Good to be in Kyiv today. U.S. support for #Ukraine is unwavering, and I%27m intent on underscoring this as I meet with Ukrainian government leaders to discuss ways we can advance our strategic partnership and reinforce Ukraine%27s position as a free and democratic state. pic.twitter.com/hbvy1v83x8
— Secretary Pompeo (@SecPompeo) January 30, 2020
Yanvarniñ 31-inde Pompeonıñ Ukraina prezidenti Volodımır Zelenskıy ile körüşüvi olacaq.
Daa evel Amerika Qoşma Ştatlarınıñ devlet kâtibi Mike Pompeo yanvarniñ 30-ında Kyivge kelip, Ukraina prezidenti Volodımır Zelenskıynen, tış işleri naziri Vadım Prıstaykonen ve mudafaa naziri Andiy Zağorodnüknen muzakerelerni keçirecegi bildirile edi.
Kyivden soñ Pompeo Belarus, Özbekistan, Qazahistan ve Büyük Britaniyağa baracaq.