İyülniñ 18-ne keçken gecesi Ukrayina havfsızlıq hızmetiniñ dronları ilhaq etilgen Qırımnıñ Donuzlav gölünde Rusiye yalı qoruyıcılarınıñ bazasını urdı, dep haber ete Azatlıq Radiosı.
Deñiz ve ava dronlarınıñ birleşken ücümi olğanını iddia eteler. Hususan, idare noqtası ile ştab, tehnika ve silâ anbarı, elektrik stantsiyası ve digerleri bozulğan.
Rusiye Mudafaa nazirliginiñ malümatına köre, Qırım üzerinde 33 dron yoq etildi ve zapt etildi. Qara deñizde ekipajsız on katerniñ zarar körgenini bildireler.
Aynı zamanda Qırımnıñ telegram kanalları Mirnıy ve Novoozernıy rayonlarında, em de Aqyardaki Kazaçaya körfezi yanında patlavlar aqqında haber ettiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.