Melitopolde Rusiye arbiyleri mitingten soñ er künki narazılıq aktsiyalarınıñ koordinatorı Ölga Gaysumovanı qacırdılar, dep haber etile onıñ içtimaiy ağlardaki saifesinde.
Yerlilerniñ yazğanına köre, bu narazılıq aktsiyası bitken soñ Azatlıq Radiosı vaqianıñ angi şaraitte yüz bergenini ögrenmege tırışa.
Yerli saytlardan biri telegrammda yazğanı kibi, sabadan Melitopolniñ sakinleri narazılıq aktsiyasını keçirip, şeer başı İvan Fedorovnıñ azat etilmesini tala ete.
Melitopol sakinleri öz şeeriniñ başınıñ adı yazılğan plaktlar ile aktsiyağa çıqıp, "Şeer başına azatlıq", "Şeer başını qaytarıñız", "Evge" şiarlarını ayta ediler. Muvafıq videonı Zaporijjâ VAM-niñ başı yayınladı.
Azatlıq Radiosı mühbiriniñ bildirgenine köre, bir kün evel Melitopol meriyasınıñ operativ ştabı öz telegramm kanalında Födorovnıñ rus işğalcileri tarafından qaçırılğanı aqqında haber etti.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.