Qırım iş adamı Oleg Zubkov, Rusiye nezaretindeki Qırım mahkemesi onıñ gecelemesinen bağlı evelde qoyulğan sıñırlavlarğa şefaatnı qanaatlendirgenini haber etti. Bunı fevralniñ 17-sinde Zubkov "Taygan" parkında tişlenilgen musafir aqqında davanıñ mahkeme oturışından soñ jurnalistlerge haber etti.
"Mahkeme şefaatlardan birisi - geceleme yerimni qayd olunğan yerimden (Yalta) yaşağan yerime deñiştirmesini qanaatlendirdi. Saat 24:00 saat 6:00 qadar yaşağan yerimde - Qarasuvbazar şeerinde bulunmağa razılıq berdiler. Bu pek yahşı, böylece kerekmegen aleketten qutulam. Bütün mahkeme oturışılarına qatnap ve "Taygan" arslanlar parkında işimnen oğraşıp olacağım", - añlattı Zubkov.
Your browser doesn’t support HTML5
Как туристку из России покусали в Крыму? | Крым.Реалии ТВ (видео)
Fevralniñ 3-nde Rusiye kontrolindeki Qarasuvbazar rayon mahkemesi «Taygan» parkında tişlengen turist Olga Solominanıñ davası boyunca qırımlı iş adamı Oleg Zubkovnı apiske aldı.
Advokat Arman Petrosân Zubkovnıñ ketmeme seneti yerine eki ay apis müddetiniñ belgilenmesini «qanunsız» dep adlandırdı. İmaye mahkemeniñ tevqif qararını şikâyet etecek ola.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.